Posta var nógv bíligari enn privatu veitararnir

^{Sosialurin 17. januar:}

Tá Tórshavnar kommuna bjóð­aði út tænastuna at koyra mat út til pensjónistar og mill­­um røktarheim í bý­num, var almenna part­a­fel­a­­gið Posta nógv bílari enn priv­atu veitarnir.

Seinastu trý árini hev­ur hev­ur Fa Petra, nú Sp/ F Petra Tausen, havt upp­gáv­una, sum í 2019 varð boð­in út til at galda í trý ár. Seinni var sátt­málin longd­ur fram til 31. desember í 2024.

Kommunan skrivar, at í tráð við innkeyps- og út­boðs­pol­i­tikk­in hjá Tórs­havn­ar komm­unu, var avgjørt at biðja um til­boð upp á tænastuna at koyra mat tú til fólka­pen­sjón­is­tar, ið Heilsu- og um­sorg­an­ar­tæn­ast­an varðar av.

Biðið var um tilboð upp á tíð­ar­skeiðið 2025-2028.

Trý tilboð komu inn, har Posta hevði nógv lægsta til­boðið.

1. Posta: 865.000 krónur um árið

2. Fa Petra: 1.600.000 krónur um árið

3. Auto: 2.754.200 krónur um árið

Arbeiðið fevnir um at heinta og koyra kald­ar døg­urð­ar frá køk­i­num á Lágargarði til um­leið 100 heima­búgv­andi pen­sjó­n­ist­ar allar gerandisdagar, at heinta og koyra heitan døg­urða frá Lágargarði til Tjarn­ar­garð allar dagar í ári­num - at heinta og koyra heit­an døgurða og nátturða frá URD til Heimið við Vall­a­líð allar dagar í árinum.

– Tað er ein treyt, at veit­ari skal hava kølibil, sum er góð­kend­ur frá Heilsu­frøð­i­ligu Starvs­stov­uni og annars lýkur á­sett­ar treytir viðvíkjandi tæn­ast­uni, skrivar Tórs­havn­ar kommuna í ú­t­boðs­til­far­i­num.

– Lægsta tilboðið lúkar á­settu treytirnar, og ligg­ur heilt tætt upp at nú­ver­andi kostn­aðarstøði f­yr­i tænastuna, sum merk­ir at verandi játt­an til mat­ar­tæn­st­una e­r nøktandi, skrivar Tórs­havnar kommuna.

– Vit hava havt koyringina fyri Tórshavnar kommunu í 22 ár. Seinast vit bjóðaðu upp á uppgávuna, tað var í 2019 – var tilboðið frá Fa Petra slakar 800.000 krón­ur. Tá var koyringin mill­um Urd og heimið í Sløttalíð ikki við. Og tá var koyr­ing­in við døgurðamati til pen­sjón­ist­ar bara í Havn. Nú er Koll­a­fjørður, Kaldbak, Vel­ba­stað­ur og Nólsoy eis­ini við, sigur Áslak Tausen frá Fa Petra.

Lesið eisini: – Posta skal ikki kappast við privatu vinnuna

Hann skilir ikki, at Posta slepp­ur at koyra uttan køl­i­bil. Tí tað hevur so stóran týdning, at køliketan ikki verð­ur brotin, sigur hann.

##med2##

Tað kenna tey alt til hjá Fa Petra øll hesi árini tey hava koyrt. Áslak Tausen vísir á, at tey koyra hvønn mán­a­dag fyri Krás út við køli­vø­r­um til Klaskvíkar, og tey fáa javnan at vita, at vør­ur­nar, sum tey koma við, halda sær nógv longri, enn vør­ur, sum koma frá øðrum sum ikki hava kølibil.

Fa Petra er ein lítil fam­ilju­fyritøka hjá Petru og Ás­laki Tau­sen. Tey koyra sjálvi sam­an við einum soni. Og tað er koyring hvønn dag í ár­i­num.

Tey hava fýra kølibilar. Tey hava júst keypt ein nýggj­an kølibil, ein Ford Tran­sit, sum er uppbygdur sum køl­i­bilur serliga til teirra endamál. Hann hevur eis­ini hurðar í báðum síðum, so­leiðis at tað skal vera so lag­aligt sum gjørligt soleiðis at tey ikki traðka inn í bilin og so­leiðis hála bakteriur og ann­að inní billin.

##med3##

Posta má hava fleiri fólk, og tey skulu jú arbeiða í tríggjar tímar tá tey møta til arbeiðis.

Áslak Tausen dylur ikki fyri, at at nívir tey at missa hendan ordran, sum var høvuðsinntøkan hjá felagnum. Tey hava gamaní annað virksemi, og tey mugu nú laga raksturin til nýggju og broyttu umstøðurnar. Men heldur tað vera sera svárt at missa uppgávuna til almenna partafelagið Posta, sum eftir hansara tykki má seta pengar til fyri at røkja uppgávuna.

– Tey mugu keypa sær góðkendar kølibilar, vísir Áslak Tausen á. Og bara at keypa tann fyrsta kølibilin kostar næstan líka nógv, sum tey fáa fyri koyringina í eitt heilt ár, vísir hann á.

##med4##