Danski fíggjarmálaráðharrin, Lars Løkke Rasmussen, hevur úr at gera í hesum døgum við at verja seg ímóti atfinningum um fíggjarligt óskil Donsku fjølmiðlarnir hava í seinastuni almannakunngjørt fleiri skjøl, sum vitna um óskil tey árini, fíggjarmálaráðharrin var borgarstjóri í Frederiksborg Amti og seinni ráðharri í innanríkis- og heilsumálum.
Í gjárkvøldið avdúkaði danska kringvarpið, at sum borgarstjóri fekk Lars Løkke Rasmussen endurgoldið næstan 150.000 krónur fyri hýruvognaleigu uttan at vísa á, at túrarnir høvdu nakað við hansara arbeiði at gera.
Danski Fólkaflokkurin krevur, at ráðharrin skal greiða frá málinum við hýruvognaleiguni.
