Danski forsætisráðharrin, Mette Frederikse, sigur við danska Tv2, at Danmark umhugsar at senda Ukraina stríðsflogfør.
Útsøgnin hjá danska forsætisráðharranum kemur eftir, at Pólland hevur gjørt av at senda fýra MiG-29 stríðsflogfør til krígsherjaða landið.
Tað vóru tíðindastovurnar, Reuters og AFP, sum bóru tíðindini úr Póllandi.
- Hetta er nakað, vit longu umrøða saman við okkara sameindu, og hetta er eitt stórt ynski hjá Ukraina, sigur Mette Frederiksen við sjónvarpsrásina.