Danska fótbóltslandsliðið byrjar EM-fyrireikingina í mars við at spæla venjingardyst í móti Sveis og Føroyum.
Tað skrivar Dansk Boldspil-Union (DBU).
23. mars verður Sveis á vitjan í Parkin í Keypmannahavn, meðan Føroyar møtir Danmark 26. mars á Brøndby Stadion.
– Venjingardystirnir hava týdning fyri okkum, og tað eru tveir dystir, sum eru rættiliga góðir fyri fyrireikingarnar hjá okkum til EM, sigur Kasper Hjulmand, landsliðsvenjari hjá Danmark.
– Hesir dystir passa okkum bæði á høgum landsliðsstøði, og vit fáa samstundis ein góðan møguleika fyri at spæla liðið enn betri saman fram ímóti EM.
Hetta verður einastu ferð, danska landsliðið hittist, meðan danska kappingin er í gongd í vár.
##med2##
Landsliðið hittist fyrst í juni. DBU upplýsir, at tá verður arbeitt við fleiri venjingardystum, til liðið 11. juni fer til EM í Týsklandi.
##med3##
Danmark byrjar EM endaspælið 16. juni móti Slovenia. 20. juni bíðar Ongland, áðrenn síðsta dyst í bólkaspælinum, sum veðrur ímóti Serbia 25. juni.
/ritzau/
