Danmark kundi rindað allar tunlar í Føroyum

Gjørdi Løgtingið soleiðis, sum Sam­bands­flokkurin nú skjýtur upp, at brúka skerjingina av ríkis­stuðl­i­num til at gera útbyggingar í sam­ferðsl­u­netið í Føroyum, so hevði nógv kunna verið bygt fyri tær 12 milliardir krónurnar, sum Føroyar hava sent retur til Dan­markar seinastu 21 árini.

Tað verður sjálvandi rættiliga hyp­o­tetiskt at ímynda sær, at Dan­mark hevði góðtikið, at Føroyar til dømis settu pengar av í ein b­ú­skap­ar­grunn til útbyggingar av sa­mferðslunetinum, og til at byggja almennar bygingar, so sum skúladeplar og sjúkrahús. Men latið okkum spæla eitt sindur við rokn­istykkið.

So kundu pengarnir verið brúkt­ir til Vágatunnillin og Norð­oy­a­tunnin, sum sambært rokn­skap­u­num hava kostað gott og væl 700 milliónirkrónur. Skála­fjarð­a­tunn­ilin kostaði 1,3 mill­i­ardir krónur, og Sand­oy­ar­­tunnilin kostar nakað tað sama. Taka vit so H-bygningin á Lands­sjúkr­a­hús­i­num og seta hann til 800 milliónir, Glas­ir til 850 milliónir, tunlarnar norð­ur um Fjall á Borðoynni til 400 mill­iónir og eitt nýtt kampus í Havn fyri hálva milliard. So koma vit ikki upp á 12 milliardir krónur.

##med2##

So jú, tað hevði borið til gjørt allar hesar útbyggingarnar, um Løg­tin­g­ið ikki sendi hasar 12 mill­ardir krónurnar aftur til Dan­markar, men til dømis settu tær í ein búskapargrunn.

Men í Føroyum vilda vit heldur ver­ið sjálvbjargin enn at vera heft at donsk­um pengum.

Men nú er í so seint at gráta umm spilta mjólk. Tað ber tó til at gera, sum Sambandsflokkurin vil og brúka næstu skerjingarnar til Suð­ur­oytunnilin. So er spurn­ing­ur­in, hvat fyllir meira í Løg­ting­i­num: Sjálvbjargni ella Suður­oyartunnil