Danska manslandsliðið í hondbólti hevur tryggjað sær fýra stig í millumumfarinum í EM endaspælinum í hondbólti, sum verður leikt í Póllandi í hesum døgum.
Danmark vann ein tryggan 30-22 sigur á Ungarn í bólki D. Í steðginum var Danmark á odda 18-10. Í dag gekk stóra stjørnan, Mikkel Hansen undan við at skjóta níggju mál. Niklas Landin hevði eisini ein góðan dag við nógvum bjargingum.
Í sama bólki vann Russland 28-21 (14-9) á Montenegro.
Danmark tekur fýra stig við sær í millumspælið. Russland tekur tvey stig við sær, meðan Ungarn hevur vunnið seg í millumspælið við ongum stigi. Stigini, sum vunnin eru ímóti Montenegro fella burtur.
Endaliga støðan í bólki D :
| 1 | Danmark | 3 | 3 | 0 | 0 | 91:75 | 6 |
| 2 | Russland | 3 | 2 | 0 | 1 | 80:78 | 4 |
| 3 | Ungarn | 3 | 1 | 0 | 2 | 80:84 | 2 |
| 4 | Montenegro | 3 | 0 | 0 | 3 | 76:90 | 0 |
Svøríki hevur eisini vunnið seg víðari í millumspælið, men tað verður við ongum stigi. Svøríki tapti 22-24 (10-12) ímóti Spania í bólki C í kvøld. Í sama bólki vann Týskland 25-21 (12-10) á Slovenia.
Spania tekur fýra stig við sær í millumumfarið. Týskland tekur tvey stig við sær, meðan Svøríki vinnur seg í millumumfarið við ongum stigi. Stigini, sum eru vunnin ímóti Slovenia fella burtur.
Endaliga støðan í bólki C :
| 1 | Spania | 3 | 2 | 1 | 0 | 80:75 | 5 |
| 2 | Týskland | 3 | 2 | 0 | 1 | 81:79 | 4 |
| 3 | Svøríki | 3 | 1 | 0 | 2 | 71:72 | 2 |
| 4 | Slovenia | 3 | 0 | 1 | 2 | 66:72 | 1 |
