Teir fýra NATO-hermenninir vóru úr teirri sokallaðu CIMIC-deildini, sum arbeiðir við at endurreisa Afghanistan. Teir vóru í býnum Gereshk har suðuri í Helmand-økinum, tá ein bumba brast tætt hjá teimum. NATO-leiðslan í Afghanistan heldur, at talan var um eina sjálvmorðsbumbu, og Taleban kunngjørdi fyrrapartin, at rørslan hevði ábyrgdina av atsóknini í Gereshk.
Ein danur hermaður varð særdur í atsóknini í morgun. Frammanundan ligger ein danskur hermaður á einum hernaðarsjúkrahúsi í Kandahar. Hann varð særdur í gjár, tá deild hansara var á kanningarferð í Upper Gereshk Valley.
Danmark hevur havt hermenn í Afghanistan síðani januar í 2002, og síðani 2006 hava teir havt støð í Helmand-økinum har suðuri í landinum. Tíggju danskir hermenn hava latið lív í Afghanistan.
Í løtuni hevur Danmark 550 hermenn í NATO-deildini í Afghanistan.
