Tveir dystir í miðumfarinum í EM í hondbólti eru í kvøld. Danmark hevði frí í gjár, og danir hava eisini frí í dag. Báðir dystirnir í dag eru í miðbólkinum, sum danir eru í, og úrslitini í kvøld kunnu hava avgerandi ávirkan á møguleikan hjá dønum at spæla seg í hálvfinaluna.
Klokkan 17.15 spæla Slovenia og Spania. Møguleikin hjá Slovenia at røkka hálvfinaluni er burtur. Um Spania vinnur í kvøld verður møguleikin hjá spaniumonnum at spæla seg víðari inntil í annaðkvøld, tá ið teir skulu spæla ímóti Týsklandi.
Klokkan 19.30 hittast Makedonia og Tjekkia. Meðan Makedonia framvegis hevur góðan møguleika at spæla seg í hálvfinaluna, so er møguleikin hjá Tjekkia mest sum horvin. Um Makedonia vinnur í kvøld, so verður teirra lagna avgjørd í annaðkvøld, tá ið Danmark verður mótstøðuliðið. Um Makedonia tapir ímóti Tjekkia, so verður møguleikin hjá teimum burtur, og so verður tað longu í kvøld greitt, at Danmark fer at halda fram í hálvfinaluni.
Slovenia – Spania kl. 17.15
Makedonia – Tjekkia kl. 19.30
Støðan
1 | Danmark | 4 | 3 | 0 | 1 | 109:103 | 6 |
2 | Spania | 3 | 2 | 0 | 1 | 85:60 | 4 |
3 | Týskland | 4 | 1 | 2 | 1 | 97:95 | 4 |
4 | Makedonía | 3 | 1 | 1 | 1 | 70:80 | 3 |
5 | Tjekkia | 3 | 1 | 0 | 2 | 62:81 | 2 |
6 | Slovenía | 3 | 0 | 1 | 2 | 77:81 | 1 |
