Tað kann vera skilagott at spara, men vandi er í hvørjari vælferð, og nú ávara danskir búskaparfrøðingar um, at tann stóri sparihugurin kann steðga vøkstrinum í samfelagnum.
Tøl, sum Danske Bank hevur gjørt upp, vísa, at síðani fíggjarkreppan byrjaði í 2007, hava danir tvífaldað sína uppsparing. Í meðal leggur hvørt húski 34.000 krónur til viks um árið, og tilsamans gevur tað 86,5 milliardir krónur.
Samstundis stendur tann privata nýtslan í stað, og við verandi gongd er vandi fyri, at Danmark kann koma í somu støðu sum Japan, har ovurstórur sparihugur millum fólk hevur steðga vøkstrinum í búskapinum.
Stjórin í danska Tjóðbankanum, Niels Bernstein, sigur við Berlingske Tidende, at tann privara nýtslan er søguliga lítil. Sambært tølunum er nýtslan fýra prosent minni, enn hon var, áðrenn kreppan tók seg upp á heysti í 2007.
