Øssur Dalbúð fekk nakrar minuttir í næstbestu donsku fótbóltsdeildini í dag, tá hann kom á vøllin í dysti fyri Hvidovre móti FC Vestsjælland. Hvidovre liggur aftast og stig eru alneyðug hjá teimum nú, men tíverri eydnaðist tað ikki at halda tætt í móti FC Vestsjælland, sum liggur nummar sjey í deildini.
Hvidovre inn til tað restaði millum lítið og einki av dystinum, men botnliðum so líkt, vóru marginalarnir ikki lið liðnum hjá Øssur Dalbúð. Føroyski áleyparin, sum hevur verið nógv skaddur síðani hann kom til Hvidovre í januar og tískil ikki roknar við nógvari spælitíð hesumegin summarsteðgin, kom á vøllin nakrar minuttir áðrenn vanliga leiktíðin var av. Og við teimum fýra minuttunum, dómarin hevði lagt aftrat dystinum, gjørdist tað talan um smáar tíggju minuttir av dystarvenjing hjá Øssuri Dalbúð.
Hvidovre hevur 23 stig nú tríggir dystir eru eftir at leika, men fýra stig eru upp til liðini omanfyri markið, so tað sær av sonnum trupult út hjá teimum.
