11. august. Hermann. Einki kent halgimansnavn, men er komið upp í álmannakkan í staðin fyri Tiburtius. Navnið er týkst og merkir hermaður.
Petur Mohr Dam, fyrrverandi løgmaður, varð føddur hendan dagin í 1898.
Hendan dagin í 1986 steig Ove Joensen á land á Langelinje í Keypmannahavn, har hann kysti havfrúnna eftir at hava róð úr Føroyum til Keypmannahavn við árabátinum Dianu Victoru. Teinurin var 900 sjómíl. Fleiri túsund fólk tóku ímóti honum á Langelinje við borgarstjóranum í Keypmannahavn, Egon Weidekamp á odda, sum gav honum eina song sum gávu.
