Dagført (16:40):
Í løtuni frættist úr Suðuroynni, at grindin verður rikin inn á Hvalba. Har er long bilrøð við tunnilin til Hvalbiar og løgregluakfør eru eisini farin blunkandi til Hvalbiar, frættist úr Suðuroynni.
-----------------------------------
Grindaformaður í Suðuroynni váttar fyri in.fo, at ein grind liggur útfyri Skarvatanga í Froðba.
Hann sigur eisini, at ætlanin er at halda grindini til, um tað vísir seg at bera til.
Enn er onki avgjørt, men helst verður grindin rikin inn á Tvøroyri ella inn á Hvalba.
