Aftan á tvey ár á palli hevur vágarokkbólkurin JÜRGHINN givið fløgu út
Útgávan ber heitið The Proof Is Evidence, og talan er um eina EP-fløgu við 6 skeringum.
- Bólkurin bjóðar á útgávuni teirra serkendu blanding av 70'ara og suðurstatsrokki og gevur fólki ein smakk av, hvat vágasound er anno 2012, verður sagt í fráboðan um útgávuna.
Manningin í bólkinum er: John Egholm (bass og sang), Jens Rasmussen (gittar) og Jeffri Jørgensen (trummur).
Plátufelagið Tutl stendur fyri útgávuni.
