Leygardagin, 5. august. Ásvaldur
Deyður 642. Enskur kongur, sum var sera ágrýtin í trúboðaravirki í landi sínum. M.a. bygdi hann á oynni Holy Island við landnyrðingsstrond Onglands kleystrið Lindisfarne, ið víkingar løgdu í oyði í árinum 793. Ásvaldur fell í einum bardaga við heidna kongin Mercia.
Navnið er gamalt enskt, ið merkir Guð ræður.
Sunnudgin, 6. august. Kristi dýrd
Dagur hildin til minnis um Jesu umbroyting á fjallinum (Matt. 17, 1-9).
Mánadagin, 7. august. Donatus
Deyður umleið 380. Drongurin Donatus misti bæði foreldrini, og undan forfylging flýddi hann til Arezzo í Italiu. Varð prestlærdur og endaði sum biskupur har á staðnum. Seinni varð hann tikin og hálshøgdur.
