Tað stendur nógv upp á spæl í øllum trimum dystunum, sum verða spældir í Atlantic Airways-kappingini í dag.
VÍF, Kyndil, StÍF og KÍF hava øll møguleika at spæla seg í FM-finaluna móti Neistanum.
Best liggur fyri hjá VÍF, sum er eitt stig undan hinum, so teir kunnu sjálvir gera av, um teir spæla finalu. Hetta um teir í dag vinna heimadystin móti júst Neistanum.
Í Havn spæla Kyndil og StÍF, og í Hoyvík spælir H71 móti KÍF.
Allir dystirnir byrja klokkan 16.
