Sjøtul varð settur á stóra jólatiltakið, Norðurjól, í Vágstúni í Klaksvík í morgun. Skráin er fjøltáttað og á pallinum framføra yngra og eldra Skúlakórið á Skúlatrøð, 17 Sangarar, Barnakórið í KFUM & K, Bubu, Rakul Ró og Hallur Joensen.
Á hugnaliga økinum í Vágstúni eru smáar smáttur settar upp og í ymisku smáttunum eru sniðgivnar vørur, føroysk framleiðsla, serstakar vørur í Norðoyggjum, matur og drekka til sølu. Klokkan 15. 30 í dag verður jólatræið í Vágstúni tendrað, Klaksvíkar hornorkestur spælur, og tá kemur jólamaðurin eisini á vitjan.
