Føroyski landsliðssúkklarin, Dávur Magnussen, fer framyvir at súkkla við danska liðnum Team NBC Elite. Hesum boðar nýggja felag hansara frá á facebook-síðu sínari.
21 ára gamli Dávur Magnussen hevur áður umboðað Tórshavnar Súkklufelag. Síðani hann flutti niður hevur hann fingið góð úrslit, og er fluttur úr B-bólkinum upp í A-bólkin.
Tað hevur óivað verið við til at tryggja honum møguleikan hjá Team NBC Elite, sum hann á fyrsta sinni fer at umboða í morgin í Postcup-finaluni í Randers.
