Tann 31 ára gamli amerikanarin Richard Lee Fowler er dømdur til deyða fyri at hava verið atvoldin til ein skógareld, sum kravdi mannalív.
Í rættinum varð hann funnin sekur í at hava elvt til ein skógareld í San Bernadino County har suðuri í Kalifornia í 2003, tí hann hevði tveitt ein neyðbluss inn ímillum nakrar runnar. Fimm fólk doyðu av hjartatilburði í sambandi við eldin, og meiri enn 1.000 hús fóru upp í royk. Nakrar mánaðir seinni doyðu 14 fólk í einum skriðulopi, sum eftir øllum at døma komst av, at skógareldurin hevði oyðilagt allan vøksturin í økinum.
Richard Lee Fowler (myndin) noktar seg sekan. Hann heldur uppá, at tað var ikki hann, men ein annar maður, sum tveitti neyðblussið inn ímillum runnarnar. Tann maðurin bleiv skotin í 2006. Men nevningarnir vildu ikki trúgva honum og dømdu hann sekan, og í gjár ásetti ein dómari í Los Angeles revsingina til deyðadóm.
