Tað er Petr Ardeleánu úr Tjekka, sum verður 23. maður á vølli, tá ið´FH og Víkingur klokkan 20.15 hittast á Hafnafirði.
36 ára gamli dómarin hevur altjóða royndir, men hetta er fyrsta ferðin yvirhøvur, at hann er dómari í europeisku meistarakappingini.
Fimm ferðir hevur hann verið dómari í Europa liguni. Síðsti dysturin var 29. juni, tá ið Vaasan PS hevði vitjan av Olimpija Ljubljana. Heimaliðið vann 1-0, og ostaflísin var tríggjar ferðir á lofti.
Petr Adreleánu hevur fleiri ferðir verið dómari í unglingalandsdystum – U-21, U-19 og U-17.
