Hallur Joensen verður ofta róptur hin føroyski countrykongurin. Hann er kendur bæði í Føroyum og uttanlands.
Føroyski countrykongurin gav út sína fyrstu fløgu í 2008. Hetta var Pickin Time In Nashville, sum eisini gjørdist mest selda fløga í Føroyum í 2008.
Hallur hevur síðan havt aðrar tónleikaútgávur, eins og hann er rættiliga virkin tónleikari.
Júst í hesum døgum er Hallur Joensen komin við nýggjari fløgu.
Countrykongurin hevur fleiri ferðir verið at sæð á útlendskum hitt-listum. Hann hevur framført sínar sangir, bæði á føroyskum og útlendskum tónleikafestivalum.
Á Sørvágs Country-og Blues Festivali er Hallur Joensen eitt av høvuðsnøvnunum, og hann fer á pall í Sørvági nú klokkan 22.
Myndina tók Birgir W. Høgnesen.
