Tað skertst ikki burt, at veðrið flestu dagar er tað, vit kunnu kalla ófantaligt. Tí er tað eitt sindur misvísandi, at arkitektar altíð vísa myndir í fagrasta veðri.
Og tað ber prísin, tá vinnarauppskotið í Klaksvík ? sum annars sær rættiliga spennandi út ? er myndprýtt við parasollum og baðandi fólkum á hvítum sandi í Klaksvík.
Fordómar ella ikki. Slíkt veður fáa vit ikki í Klaksvík ? ella fyri tað nakra aðrastaðni her á landi, at tað ber til vaða upp undir bringu á eini føroyskari strond. Tilgjørda myndin úr Klaksvík vísir okkum, hvussu tað í øllum førum ikki verður!
Seinastu árini eru nógv fólk vorðin havsvimjarar. Hetta er eitt ítriv, ið tekur dik á seg. Men hyggið eftir teimum, sum loypa á bláman: 10-20 sekund, so tey uppi aftur, og so er dagsins svimjutúrur liðugur. Kalt og lekkurt, siga tey. Men harfrá og til Costa del Klaksvík ? tað man vera at taka í so rívan til...
