Veðrið hevur víst seg frá síni absolut bestu síðu í Gøtu í dag. Tað nógva regnið, sum hevur plágað okkara land síðstu vikurnar, hevur valt at taka eina pausu, og sólin fekk loyvi til at skína í frið.
Hitastigini søgdu nokk ikki nógv meir enn 15 gradir, men tað føldist sum um, at man var staddur í suðurlondum. Alla staðnis vóru fólk at síggja í góðum lag. Summi svumu, onnur sólaðu sær, meðan onnur sótu uppi við beduinteltið og nutu okkurt leskiligt.
Alt kvøld verður veðrið gott, so góði veðurstílurin frá í gjár heldur fram. Enn hevur onki tiltak verið á sandinum í dag, men kl. 17 fær havnaduo’in Lover Lover heiðurin at opna pallin á sandinum. Annað, sum er heldur forkunnugt á sandinum seinni, er tað stóra saltfiskatiltakið, har øll verða boðin ókeypis saltfisk. Tað verður somuleiðis kl. 17.
