Tá KÍ í annaðkvøld klokkan 19.45 tekur KÍ móti belarussiska liðnum, Neman á Tórsvølli í triðja undanumfarinum í Conference League, verður talan um níggjunda dystin millum eitt føroyskt lið og eitt belarussiskt lið í einari evropeiskari kapping fyri felagslið.
Í teimum undanfarnu átta dystunum er talan um sjey belarussiskar sigrar og ein javnleik.
Í 2001 megnaði VB ein flottan 0-0 javnleik á Tórsvølli móti Slavia Mozyr í Champions League undankappingini. VB tapti tó 0-5 á útivølli.
Í 2012 tapti Víkingur stórt, 0-4 úti og 0-6 heima, og samanlagt 0-10 fyri FC Gomel.
Í 2016 tapti NSÍ eisini rættiliga stórt samanlagt fyri FC Shakhtyor. Talan gjørdist um 0-2 tap heima, og 0-5 tap úti.
Í 2017 tapti NSÍ rættiliga heiðurliga 0-2 heima og 1-2 úti móti gamla stórliðnum, Dinamo Minsk.
KÍ kann sostatt skriva søgu um teir megna at vinna á Neman á Tórsvølli í annaðkvøld.
Kelda: FaroeSoccer
