Tjúkkur roykur hongur yvir einum stóru øki í amerikanska statinum Colorado, har ein risastórur skógareldur við Colorado Springs hevur rikið meiri enn 32.000 fólk frá húsi og heimi.
Nógvur hiti og frískur vindur av ymsum ættum gera tað sera torført hjá sløkkiliðunum at fáa tamarhald á eldinum, og blaðið Denverpost skrivar, at við hetta lag verður eldurin tann ringasta náttúruvanlukkan í søguni hjá statinum. Í gjár vóru 40 hitastig í Colorado Springs, og veðurmenninir siga, at tað verður lítil og eingin broyting í veðrinum ta fyrstu vikuna.
Skógareldurin í Colorado kyknaði tann 9. juni, og higartil eru 159.000 ferkilometrar av skógi og 190 sethús farin upp í royk. Sløkkiliðini vænta ikki, at eldurin verður sløktur í hesum mánaðinum, skrivar Reuters.
