Hondbóltur
Heimasíðan hjá StÍF skrivar í dag, at danin Claus Rasmussen ikki ynskir at halda fram í venjarastarvinum eftir hetta kappingarárið. Orsøkin er fyrst og fremst, at hann ætlar at nýta meira tíð til familjuna.
- Hann lat samstundis eina hurð standa á glopp fyri, at hann møguliga kundi venda aftur til StÍF einaferð í framtíðini, skrivar heimasíðan.
Í StÍF hava tey verið væl nøgd við avrikini hjá Claus Rasmussen. Hann varð settur sum venjari undan farna kappingarári.
