Hondbóltur
Fyri tveimum vikum síðani fráboðaðu StÍF og Claus Rasmussen, at samstarvið millum partarnir ikki helt fram.
Nú boðar felagið á heimasíðu sínari frá, at avgerðin um at steðga samstarvinum er framskundað, og at Claus Rasmussen gevst her og nú.
Í hansara stað hevur StÍF fingið Costin Dumitrescu at standa á odda fyri liðnum. Costin Dumitrescu var spælandi venjari, tá StÍF vann FM-heitið í 2005, men hann flutti tá aftur til Rumenia í eina tíð. Síðani hevur tað verið við tilknýti til Tjaldur, at hann hevur virkað, men nú skal hann royna at toga avrikini hjá StÍF uppeftir.
Claus Rasmussen leiddi í fjør StÍF til silvur í bæði lands- og steypakapping, men mannfallið hevur verið stórt d hesum kappingarárinum, og hóast teir vóru væl við fyrsta partin av kappingini, so hava úrslitini sveiggjað ov nógv, til at liðið veruliga kundi gera seg galdandi.
