Kendi enski dómarin, Mark Clattenburg, tekur nú floytuna framaftur, eftir at hann annars gavst at døma fyri tveimum árum síðani eftir útvið 14 ár sum dómari í Premier League.
43 ára gamli dómarin, sum eitt nú dømdi bæði Champions League-finaluna og EM-finaluna í 2016, hevur seinastu tvey árini starvast sum dómaraleiðari í fótbóltssambandinum í Saudi Arabia, men nú gongur leiðin víðari.
Mark Clattenburg ger nevniliga comeback á fótbóltsvøllinum og skal framyvir starvast sum fulltíðardómari í Kina, har hann skal leiða dystir í bestu deildini, Chinese Super League.
- Eg eri spentur upp á nýggju avbjóðingina. Kinesiska Superligan hevur ment seg týðiliga seinastu árini, og tey vilja gjarna hava, at dómarastandurin eisini mennir seg, sigur Clattenburg í samrøðu við Daily Mail.
