Adrian Cieslewicz tryggjaði í dag felagi sínum, Wrexham, ein umdyst móti Brighton. Wrexham spælir í fimtbestu deildini, meðan Brighton er í næstbestu deildini í Onglandi. Póllendingurin er sonur Robert Cieslewicz, sum síðst í 90'inum og fyrst í nýggju øldini spældi í Føroyum.
3. umfar av ensku steypakappingini verður leikt um hetta vikuskiftið. Í dag eru fleiri dystir og ein teirra var millum Brighton og Wrexham. Heimaliðið kom á odda stutt eftir hálvleik, tá Jake Froster-Caskey skoraði.
Eitt lítiið korter seinni javnaði Andrian Cieslewicz fyri Wrexham, tá skotið hjá honum tók í ein verjuleikara og snýtti málverjan í Brighton málinum.
- Tá vit komu afturum, so hugsaðu vit sjálvandi at hetta kundi blíva torført móti einum liðið, ið spælir so væl sum Brighton ger. Men tá tú hevur leikarar sum Adrian Cieslewicz á liðnum, sum ber alt til, sigur Andy Morell, leikandi venjari hjá Wrexham, við BBC í dag.
Javnleikurin merkir, at tað skal ein umdystur til fyri at finna vinnaran av uppgerðini. Tann dysturin verður á heimavøllinum hjá Wrexham. Tað kemur væl við hjá felagnum, tí tað hevur verið í fíggjarligum trupulleikum og hevur brúk fyri hvørjum oyra, ið tað kann fáa fatur á. Nakað sum Andy Morell eisini vísur á í samrøðuni.
Andrian Cieslewicz er 21-ára gamal og kann spæla á flestu framrættaðu plássinum. Hann er serliga kendur fyri sín skjótleika. Hann hevur eins og eldri beiggin, Lukasz Cieslewicz, sum spælir í B36 og gjørdist ársins leikari í føroyskum fótbólti í 2011, víst áhuga fyri at umboða Føroyar.
Hann spældi eins og Christian R. Mouritsen við Manchester City sum yngri. Á summri 2009 skifti hann til Wrexham. Pápi Andrian Cieslewicz er Robert Cieslewicz, sum sambært faroesoccer.com, spældi í føroyum frá 1999 til 2004 har hann umboðaði ÍF, VB og Sumba.
(Mynd: BBC: Adrian Cieslewicz(t.v) fegnast um útjavnandi málið)
FA Cup 3. umfar:
Í gjár:
Liverpool - Oldham 5-1
Í dag:
Birmingham - Wolves 0-0
Barnsley - Swansea 2-4
Brighton - Wrexham
Bristol R - Aston Villa 1-3
Coventry - Southampton 1-2
Crawley - Bristol C 1-0
Dag & Red - Millwall 0-0
Derby - Crystal Palace 1-0
Doncaster - Notts County 0-2
Everton - Tamworth 2-0
Fleetwood - Blackpool 1-5
Fulham - Charlton 4-0
Gillingham - Stoke 1-3
Hull - Ipswich 3-1
Macclesfield - Bolton 2-2
MK Dons - QPR 1-1
Newcastle - Blackburn 2-1
Norwich - Burnley 4-1
Nottingham F - Leicester 0-0
Reading - Stevenage 0-1
Sheffield U - Salisbury 3-1
Swindon - Wigan 2-1
Tottenham - Cheltenham 3-0
Watford - Bradford 4-2
West Brom - Cardiff 4-2
Sunnudagin:
Manchester C - Manchester U
Chelsea - Portsmouth
Sheffield W - West Ham
Peterbrough - Sunderland
Mánadagin:
Arsenal - Leeds
