Í hesum døgum er føroyska Christina E. Mørkøre við í sokallaðum teaturkonsertum í glassalinum í Tivoli. Heitið á framførsluni er Jukebox, og ummælini í donsku bløðunum hava verið ógvuliga góð.
Fram til hálvan juni syngur og dansar havnardaman saman við ellivu øðrum solistum til sangir hjá kenda komponistinum Bent Fabricius-Bjerre.
Undir konsertini verða ikki færri enn 24 sangir hjá Bent Fabricius-Bjerre framførdir. Ímillum mongu sangirnar eru eyðkennisløgini til eitt nú Matador, Olsen Banden og Alley Cat.
Niðanfyri ber til at hoyra Christinu E. Mørkøre greiða frá.
