Føroyski landsliðsleikarin verður eftir eitt ár í íslandskum fótbólti aftur at síggja í Føroyum. Fyrrverandi Manchester City miðvallarin skal komandi ár aftur spæla í reyðu og svørtu HB-troyggjuni.
Christian R. Mouritsen hevur umboðað flestu av føroysku U- landsliðnum og hevur spælt átta EM undankappingardystir fyri A-landsliðið og skotið eitt mál sambært faroesoccer. Christian R. Mouritsen er uppvaksin í HB, men skifti á ungum aldri til enska Manchester City.
Í 2008 kom hann aftur til HB áðrenn hann í 2009 skifti til B36. Í fjør skifti hann saman við Pól Jóhannusi Justinussen og Jónasi Tór Næs til íslendska Valur.
HB hevur í ár havt eitt kappingarár, har einki riggaði og endamálið eftir summarsteðgin hjá FM vinnarinum frá 2009 og 2010 varð at yvirliva í bestu deildini.
Sambært heimasíðuni hjá HB, so lovaði felagið á ársveitsluni at styrkja hópin til komandi kappingarár.
(Mynd: www.hb.fo)
