Eftir at vera koyrd úr starvi sum X-Factor dómari er Cheryl Cole nú aftur við í sendingini.
Hesaferð er tó talan um bretsku útgávuna av talentkappingini.
The Sun sigur, at hon skal hjálpa tí fyrrverandi Take That stjørnuni, Gary Barlow, við at finna fram til tey bestu í sendingini.
Tí var hon at síggja í dómarahúsinum hjá Gary Barlow í Onglandi í gjár.
Take That sangarin hevur eftir øllum at døma biðji Cheryl Cole hjálpa honum í hansara leikluti sum dómari uttan at Simon Cowell visti av nøkrum.
Simon Cowell og Cheryl Cole hava havt nakrar keðiligar løtur saman orsaka av X-Factor, sum endaði við, at songkvinnan varð søgd úr starvi.
Tó so skrivaði Simon Cowell í gjárkvøldið á sínari Twitter síðu, at hann ynskti henni vælkomna aftur.
Eisini Gary Barlow er fegin um, at songkvinnan nú er aftur á X-Factor skíggjanum.
- Eingin ivi er um, at Cheryl Cole veit nógv um hesa kappinga, sigur Barlow.
Hetta veit eb.dk í dag.
