Chelsea vann oddabrakið ímóti Manchester United á heimavølli á Stamford Bridge í London. Dysturin endaði 1-0, og var tað John Terry, sum skoraði sigursmálið í seinna hálvleiki.
United hevði bóltin nógv, men tað var Chelsea sum kom til teir stóru málmøguleikarnir, men Edwin van der Sar stóð væl í United-málinum.
Tá hálvur tími var eftir av dystinum, var líka við, at Wayne Rooney í tveimum førum legði United á odda, men hann tók ikki av møguleikunum hann fekk.
Tá eitt korter var eftir av dystinum fekk Chelsea fríspark í vinstru síðu. Bólturin var sendur inn við handaru stong, og har eydnaðist tað John Terry at stúta bóltin inn í málið.
United fekk onkran málmøguleika aftrat. Antonio Valencia fekk ein sera stóran møguleika, men hann skeyt við síðunnar av.
Úrslitið merkir, at Chelsea er á odda í Premier League við 30 stigum. Arsenal og Manchester United hava 25 stig hvør.
