Chelsea tók seinasta stykkið

Seinasti dysturin í 22. umfari í Premier League hevur verið í kvøld. Chelsea vann 1-0 á útivølli Tottenham í eini av stóru London-uppgerðunum.

Heimaliðið er framvegis uttan liðskiparin og stjørnuspælaran Harry Kane. Tað kom til sjóndar í dystinum, tí José Mourinho og hansara menn komu til lítið og einki í framrættaða spælinum.

Tað gjørdi Chelsea, sum hevur verið undir nýggjari leiðslu seinastu tríggjar dystirnar. Thomas Tuchel hevði sett sínar menn væl upp til dystin í kvøld, men tað skuldi eitt heldur býtt brotsspark til, áðrenn Chelsea koma á odda.

Eric Dier endaði á bakpartinum í brotsteiginum og rendi fótin eftir bóltinum, men endaði við at sparka Timo Werner umkoll. Jorginho hevur gjørt eina yrkisleið burturúr at spæla stuttar avleveringar á miðjuni, og hoppa áðrenn hann skorar upp á brotsspark, men hesa ferð sendi han ferð á og langaði bóltin í málið.

Chelsea var leikliga omaná, men Tottenham fekk ein góðan málmøguleika móti endanum, tá Vinicius fekk høvdið á eitt innlegg, men bólturin fór framvið. Chelsea er nú á 6. plássi við 36 stigum, meðan Tottenham verður standandi á 8. plássi við 33 stigum.