Við einum 2-0 sigri á Manchester City í dag, hevur Chelsea givið eitt tekin um, at teir eru sinnaðir at bjóða Manchester United av í oddastríðnum. Sambært Sky Sports, so er hetta dýrast dysturin í Premier League søguni. Tilsamans hava feløgini brúkt áleið 5 milliardir krónur at seta liðini saman. Hóast stóru upphæddirnar, so var dysturin ikki so spennandi og væl leiktur, sum tey flestu helst høvdu vónað. Fernando Torres byrjaði inni á sínum 27-ára føðingardegi, meðan bæði Didier Drogba og Nicolas Anelka byrjaðu á bonkinum. Manchester City var uttan liðskiparan, Carlos Tevez, sum er skaddur.
Chelsea kom á odda tólv minuttir fyri tíð. Innskifti Didier Drogba sendi eitt fríspark innfyri, sum miðverjin, David Luiz, stútaði í kassan. Í tíðini, sum dómarin hevði lagt afturat, økti Ramires til endaliga úrslitið 2-0.
Chelsea yvirhálar við sigrinum í dag Manchester City og liggur nú nummar trý, níggju stig aftanfyri Manchester United á fyrsta plássi. Oddaliðið hevur tó spælt ein dyst fleiri og liðini hava ein dyst eftir sína millum á Old Trafford.
Premier League úrslit í dag:
Chelsea Manchester City 2-0
1-0 David Luiz, 78
2-0 Ramiers, 90+2
Sunderland ? Liverpool 0-2
0-1 Dirk Kuyt, 33 br
0-2 Luis Suarez, 77
