Fyrrverandi forsetin iðrar seg um, at hann hevur sagt stjórnina hjá Bush vera ta ringastu í søguni.
-Eg var kanska ikki nóg varin, tá eg segði tað, sigur Jimmy Carter.
Tað var á einum fundi leygardagin, at hann lýsti verandi stjórnina í Washington sum ta ringastu í amerikonsku søguni. Men orðini vóru ikki soleiðis meint, sigur hann nú. Hann meinti, at stjórnin hjá Bush er tann ringasta, sum USA hevur havt síðani stjórnina hjá Richard Nixon.
Bretski forsætisráðharrin, Tony Blair, fekk eisini ákoyringar frá Carter leygardagin. Við BBC segði fyrrverandi forsetin, at tað var ein sorgarleikur fyri heimin, at Blair styðjaði Bush í álopinum á Irak.
