Í gjár var aðalfundur í MBF, har fremsta mál á skránni var at velja nýggjan formann fyri Leilu Solmunde, sum knappliga og óvæntað doyði herfyri.
Tvey valevni vóru at velja ímillum, Carita Bjørklund og Maria Olsen. Og tað valið fall Caritu Bjørklund til fyrimunar.
Hon hevur royndir innan felagsarbeiði, og hevur eitt skifti verið forkvinna í Pedagogfelagnum, og tað er næstan neyðugt, tí tey flestu eru samd um, at tað verður ikki lætt at fylla skógvarnar hjá Leilu Solmunde.
Tveir aðrir nevndarlimir stóðu eisini fyri vali, Sigrun Wardum og Jensa Heinesen, og tær vórðu báðar afturvaldar í starvsnevndina
