Ein tunnil millum Finnland og Estland nærkast veruleika og verður hann við sínum 92 kilometrum heimsins longsti.
Ætlanin nærkaðist herfyri veruleika, tá borgarstjórar og ráðharrar úr londunum báðum skrivliga bundu seg til at arbeiða víðari við ætlanini um samband millum Helsinki og Tallinn.
Tunnilin kostar væntandi einar 100 milliardir krónur.
Í Føroyum eru tveir undirsjóvartunnlar veruleiki. Tunnil til Sandoynna tykist verða veruleiki innan fá ár, og so er talan um samband til Suðuroynna. Tó eru tað tey, ið eru ivandi hvørt hetta er fíggjarliga møguligt, ella um hetta á leið 30 kilometra langa samband letur seg gera
Tí er kanska áhugavert. at við 92 kilometrar langa tunnlinum verður ikki kannað, hvørt tað er gjørligt, men um ymsar avleiðingar.
Longsti tunnil í dag er í Japan undir Tsugaru sundið, og er hann 54 kilometrar.
FAKTA:
Longstu tunnlar til persontransport
Toktunnlar
54 km: Seikan-tunnilin, Japan
51 km: Euro-tunnilin, England-Frakland
35 km: Lötschberg-Basis-tunnilin
Biltunnlar
25 km: Lærdal, Norge
18,2 km: Yamate-tunnilin, Japan
18,04 km: Zhongnanshan-tunnilin
Metrotunnlar
60 km: Linja 3, Guangzhou, Kina
57 km: Linja 10, Beijing, Kina
48 km: Linja 5, Seoul, Suðurkorea
