Arbeiðið at byggja stórhøll í Hoyvík er farið í gongd. Fyrsti hakin er settur í, og um skamma stund fer byggingin í gongd.
Í samrøðu við Sosialin í dag í sambandi við, at Heðin Mortensen, borgarstjóri, hevur sitið í Tórshavnar býráð í 50 ár, nevnir hann, at Tórshavnar kommuna eisini hevur ætlanir um at byggja eina fótbóltshøll í Hoyvík.
– Hesi 50 árini hava vit bygt einar 40 barnagarðar, og vit hava bygt nógvar skúlar, hallir og vøllir. Spaki er settur í til stórhøllina.
– Og vit arbeiða við, at ein fótbóltshøll verður bygd í sama umhvørvi sum stórhøllin. Vit hava fingið Tórsvøll, og nú verður svimjihøllin útbygd – bara fyri at nevna nakrar verkætlanir úr rúgvuni, sigur Heðin Mortensen við Sosialin.
Í mun til stórhøllina, sum kostar út við 220 milliónir krónur at byggja, so verður mett, at ein fótbóltshøll við øllum kann kosta einar 80 milliónir krónur.
##med2##
##med3##
