– Meðan Bygdaleiðir koyra beint til dyrnar á Kambsdali, mugu næmingar av bygd skifta buss, tá tey eru komin til Havnar, fyri síðani at koyra við kommunalu bussleiðini, sum frammanundan er full av næmingum úr Havn.
– Hetta er ikki ein haldbar loysn fyri nakran, og ein loysn eigur at verða funnin beinanveg.
Tað sigur Annika Olsen, borgarstjóri í Havn, sum heldur, at besta loysnin fyri øll er, at Bygdaleiðir koyra beinleiðis til og frá Glasir, eins og tað verður gjørt í sambandi við næmingar, ið ganga á miðnámsskúlanum á Kambsdali. Tað eigur ikki at vera neyðugt at bíða eftir nýggju útbjóðingini av bygdaleiðum, tí talan er um eina rættiliga einfalda broyting, ið kann setast í verk beinanveg til gagns fyri allar partar.
