Búskaparráðið hevur ongar meiningar um, hvørt ein privat ella almenn loysn á Eysturoyartunnlinum er best fyri føroyska samfelagið.
Tað stendur eftir, nú Búskaparráðið fyrrapartin hevur verið á fundi við Rættarnevndina hjá løgtinginum.
- Vit hava ikki hugt nærri eftir ymsu loysnunum, sigur Sverri Hansen, formaður í ráðnum.
Sambært Sverra Hansen var tí meira talan um eitt yvirskipað prát við Rættarnevndina hjá løgtinginum, sum aftur í dag viðger ymsu lógaruppskotini, ið hava við Eysturoyartunnilin at gera.
Búskaparráðið var fullmannað á fundi við Rættarnevndina. Umframt Sverra Hansen vóru eisini Tummas Dam og Herit V. Albinus á fundi.
Hoyr samrøðu við Sverra Hansen við at trýsta á pílin undir myndini.
