Amerikanski forsetin er óvæntað komin til Afghanistan í morgun at hitta afghanska frosetan og amerikonsku hermenninar í landinum George W. Bush kom til Afghanistan úr Irak, sum hann vitjaði í gjár, og av trygdarorsøkum lendi flogfar hansara á hernaðarflogvølli uttan fyri høvuðsstaðin Kabul.
Bush skal hitta afghanska forsetan, Hamid Karzai, og hann fer ætlandi at lova afghonsku leiðsluni, at USA fer at halda fram við bardaganum ímóti Taliban.
Tíðindastovurnar skriva, at Bush skal halda røðu fyri amerikonskum hermonnum í Afghanistan, áðrenn hann fer avstaðaftur.
