Burn: VÍF vann seg í oddin við sigri á Kyndli

VÍF er undan dystunum í morgin oddalið í Burn mansdeildini við 10 stigum. Tað er greitt aftaná ein rættiliga tryggan 25-20 sigur á Kyndli í høllini á Hálsi í Havn. Kyndil var á odda 5-2, men so stongdi Mladen Mjerimacka málið, og VÍF skoraði níggju mál uttan, at Kyndil svaraði aftur. VÍF var á odda 11-5 í steðginum, og tað eydnaðist at halda eina greiða frástøðu til Kyndil allan seinna hálvleik.

Filip Jojic gjørdi aftur eitt rimmar hál hjá VÍF í kvøld við at skjóta heili 11 mál.

Kyndil-VÍF 20-25 (5-11)

Málskjúttar Kyndil: Tróndur Wardum 6, Jákup Jørgensen 5, Anders Risdal 2, Tummas Sørensen 2, Kristoffur Bjørgvin 2, Mads Lindkvist 2, Borgar Sveinsson 1.

Málskjúttar VÍF: Filip Jojic 11, Hanus Christophersen 3, Magnus Müller 3, Eyði Bjargarson 2, Rúni Fossdal 2, Jóhan i Garðastovu 1, Martin Nielsen 1, Teitur R. Nielsen 1, Heini á Heygum 1.

Í morgin klokkan 16 spæla Team Klaksvík og KÍF í Badmintonhøllini í Klaksvík. Neistin og StÍF spæla í høllini á Hálsi í Havn. FM1 sigur frá dystinum á Hálsi. FM1 sigur somuleiðis frá kvinnudystinum Neistin-StÍF, ið byrjar klokkan 14.