Burn: VÍF vann greiðan sigur á Team Klaksvík

Tað er ofta at talan er um málríkar dystir millum VÍF og Team Klaksvík í Burn-mansdeildini, og í kvøld var einki undantak í Vestmanna.

70 mál vóru skotin tá VÍF vann ein trivaliga 39-31 sigur á Team Klaksvík. Í steðginum var VÍF á odda 20-17. 

Tá 41 minuttir vóru leiktir var VÍF á odda 30-21, og eydnaðist tað vestmenningum at halda munin restina av dystinum.

Hallur Arason var toppskjútti hjá VÍF við átta málum. Suni Erlingsson Dalsgaard, Sakaris Ludvík Súnason og Sámal á Tjaldrafløtti skutu sjey mál hvør fyri Team Klaksvík. 

Í morgin klokkan 16 spæla H71 og Neistin í Hoyvíkshøll. Somu klokkutíð møtast KÍF og Kyndil í høllini í Kollafirði.

HER er dómaraseðilin frá HSF: 

##med2##