Ein dystur var leiktur í Burn mansdeildini í kvøld.
Í høllini á Skála tók StÍF móti oddaliðnum, VÍF.
VÍF vann í einum málríkum dysti ein 34-30 sigur. Í steðginum var VÍF bert á odda við einum máli 15-14.
Djóni J. Petersen var toppskjútti hjá StÍF við sjey málum. Jóhannes Bjørgvin og Hallur Arason vóru toppskjúttir hjá VÍF við sjey málum hvør.
Í annaðkvøld klokkan 19 tekur Team Klaksvík móti H71 í Badmintonhøllini í Klaksvík, og leygardagin klokkan 16 tekur Neistin móti StÍF í høllini á Hálsi í Havn. Eftir tað verður farið í ein vetrarsteðg. Kappingin byrjar aftur 23. januar.
HER ber til at síggja dómaraseðilin frá HSF:
##med2##
| Støðan (hsf.fo) | Dystir | Vunnin mál | Tapt mál | Munur | Stig |
|---|---|---|---|---|---|
| VÍF | 9 | 304 | 246 | 58 | 16 |
| H71 | 9 | 270 | 228 | 42 | 13 |
| KYNDIL | 9 | 255 | 222 | 33 | 12 |
| NEISTIN | 10 | 256 | 281 | -25 | 9 |
| KÍF | 10 | 256 | 279 | -23 | 8 |
| TEAM KLAKSVÍK | 9 | 239 | 282 | -43 | 5 |
| STÍF | 10 | 273 | 315 | -42 | 3 |
