Burn: Team Klaksvík og VÍF vunnu seg í FM-endaspælið

Í Klaksvík og Vestmanna er hondbóltsfrøin stór í dag, serliga í Klaksvík har tey kunnu stórfegnast um, at Team Klaksvík fyri fyrstu ferð nakrantíð hevur vunnið seg í eitt FM-endaspæl.

Team Klaksvík vann ein rimmar 32-30 sigur á KÍF í Kollafirði. Í steðginum var støðan javnleikur 16-16. Tá 40 minuttir vóru farnir var støðan javnleikur 22-22. Tá eydnaðist Team Klaksvík at at koma trý mál framum 25-22. KÍF kom uppá 25-26, men so dróg Team Klaksvík frá aftur og økti til 28-25, og eftir tað bleiv leiðslan ongantíð minni einn tvey mál.

Tá StÍF samstundis snávaði í høllini á Skála við at tapa 32-33 fyri Neistanum var staðfest við 100 prosents vissu, at Team Klaksvík endar millum fýra tey ovastu liðini í Burn Mansdeildini. Tað var javnleikur 17-17 í steðginum á Skála. StÍF var annars á odda 13-7 tá 17 minuttir vóru farnir. Liðini fylgdust allan seinna hálvleik. Seinasta orðið fekk Rani A. Højgaard, ið skoraði sigursmálið til 33-32 til Neistan tá 18 sekund vóru eftir av dystinum.

VÍF hevur 18 stig og Team Klaksvík hevur 17 stig. StÍF sum hevur 11 stig kann í mesta lagi fáa 15 stig, so alt er løst og liðugt í kapprenningini um FM-endaspælsplássini. 

VÍF vann stórsigur 29-18 á Kyndli í Vestmanna.  Vestmenningar vóru á odda 15-9 í steðginum.

Undir dómaraseðlunum hjá HSF sæst stigatalvan. Tíverri er dómaraseðilin úr Vestmanna ikki tøkur: 

##med2##

##med3##