Klovnurin BuBu er vorðin alt kendari milum børn og vaksin, og tað er kanska serstakliga nú í eitt til tvey ár, at hann av álvara hevur ført seg fram sum ein klovn.
Umframt at undirhalda á palli, so vita álítandi keldur, at hann javnan er upptikin – í orðsins rætta týdningi – tí hann er í gongd við at taka upp ein film.
Men tað nýggjasta er tó, at Bubu syngur ein jólasang og klovnurin hevur eisini gjørt eitt sjónbandalag, ið sæst á youtube.
Hóast skemt, so verður mint á veruligu orsøkina til, at vit halda jól:
Jól jól BuBu jól
Eg gleði meg til pakkarnar
Eg veit BuBu veit
størsta gávan, ei undir trænum lá
men givin okkum omanífrá
Kalt er úti og fjalli hvítt
í gluggum ljósini bleiktra frítt
Mammur stáka og hugna um
í fjálgum stovum børn sita um træið runt
Pakkar stórir, pakkar langir
í handlunum standa kassarnir svangir
Alt er res og alt stríð
hava nærum gloymt hví vit halda jól
Undir fjósalofti
millum kríatúr
liggur gávan stóra
og fær sær ein lúr
Síggj og hoyr lagið her:
