Mánakvøldið vóru fýra føroyingar at síggja á vøllinum, tá liðið hjá Brynhild Pálsdóttir og Marionnu G. Eystberg, Ydun tók ímóti Aarhus í dysti í næstbestu donsku hondbóltsdeildini.
Dómarar til hesa uppgerðina í høllini á Frederiksberg vóru brøðurnir, Høgni og Andrias Fríðusynir Gaard.
Aarhus vann dystin 28-24. Í steðginum var útiliðið frammanfyri 14-10, og tær megnaðu at halda munin í seinna hálvleiki.
Brynhild skoraði trý mál í dystinum.
Ydun hevur einki stig aftaná tríggjar teir fyrstu dystirnar.
Komandi leygardag klokkan 13.30 hevur Ydun heimadyst móti toppliðnum, Holstebro.
