Tinganest eru farnir á pall við Brúnna, tað er slitið í, og fólk hava leitað sær út undan tjalddúkunum.
Sangurin gongur av tí allarbesta, nú Tinganest spæla sínar gomlu slagarar sum "Upp á Tá" og "Vágagellan". Fólk gleðast um tónleikin og um, at tað endiliga gavst at regna. Flestu syngja við og onkur dittar sær enntá at taka ein dans.
Enn eru nakrir tímar eftir av festini við Brúnna. Marner av Lofti og Ronny og Rúna fara at spæla á Teltpallinum. Eftir felagssangin á miðnátt trína Bacon, Páll Finnur Páll og Frank in a Phonebox á stóra pallin, umframt at Norrøna Dansband spæla til dans í Eydnuni kl 00.15.
