Sambært norskum fjølmiðlum hevur Bruce Springsteen játtað at spæla á Utøya 22. juli.
Amerikanska rokkstjørnan Bruce Springsteen hevur játtað at framføra á Utøya 22. juli, sum er eitt ára dagurin hjá Utøya vanlukkuni.
Fjølmiðlar í Norra og Danmark skriva, at keldur í ungdómsfelagsskapinum hjá sosialdemokratunum AUF vátta tíðindini.
Tað vóru limir hjá AUF, sum ekstremisturin Anders Behring Breivik myrdi á Utøya fyrr í ár.
Keldurnar siga við norskar miðlar, at 62 ára gamli Springsteen hevur verið jaligur um fyrispurningin, men hann hevur ikki endaliga váttað konsertina.
Bruce Springstten og hansara E Stree Band fara á evroparundferð í mai, og teir spæla í Norra 21., 23. og 24 juli, so í veruleikanum liggur tað væl fyri hjá rokklegenduni at vitja Utøya 1 ára dagin.
