Klokkan 18 fer Eiler Rasmussen at bríksla fyri fyrstu ferð í Gundadali, har tað verður fyrra hálvfinalan í kappingini um løgmanssteypið millum HB og KÍ.
Sammett við í 4-0 sigrinum á Argjum sunnudagin er KÍ liðið broytt á tann hátt, at Ísak Simonsen er framrættaður síðuspælari í vinstru í staðin fyri Jonn Johannesen.
Sammett við í 3-0 sigrinum á Eiði sunnudagin er HB liðið broytt á tann hátt, at Jógvan Rói Davidsen er vongverji í høgru, og Hørður Askham er fluttur inn í miðverjuna í staðin fyri Brynjar Hlöðversson, sum er á miðvøllinum í staðin fyri Andreas Breimyr og Dan í Soylu, sum avloysti skadda Breimyr longu í 41. minutti.
Líkindini at spæla fótbólt eru góð í Gundadali. Tað er eitt høgættarlot, men tað bilar ikki, tí høgættin er tiltikin góð í høvuðsstaðnum og í Gundadali.
Tað ber til at fylgja við her á in.fo
HB – KÍ kl. 18.00
Fyrra hálvfinala í kappingini um løgmanssteypið
Dómari: Eiler Rasmussen
HB: Teitur Matras Gestsson – Jógvan Rói Davidsen, Hørður Askham, Lasse Andersen, Magnus Egilsson – Brynjar Hlöðversson, Tróndur Jensen – Pætur J. Petersen, Adrian Justinussen, Símun Samuelsen – Ari Mohr Olsen
KÍ: Kristian Joensen – Jóannes Kalsøe Danielsen, Jesper Brinck, Deni Pavlovic, Ólavur Niclasen – Boris Dosljak, Jákup B. Andreasen, Simen Sandmæl, Ísak Simonsen – Jóannes Bjartalíð, Patrik Johannesen
